حْساَبْ مْقَدَّرْ

حساب مقَدَّرْ :

5ـ02 ـ 2015

ذاك الحْمامْ

سْرَقْ قلبي

راحْ مسجون في هديل صَوْتُو

طارْ... رفرفْ....

مْقام روحي

سْبَحْ بهْ في سْحاَبَه

و كان الكون في بَوْحو

ذاك الحمام

بقلبي و بروحي

غْضَبْ على الارض

ماتْلا يتيق في الغاب

وْ لاَ في الشجر أو في فروعو

ذاك الحمام

صْنَعْ من الغيم صوفو

رْصَّع به الريش

و استحمْ بالشمس

طهارة من فوقو

صنع من خيوطها حروفو

حَرقوه في صْباعو

خاف على فراخْ العشاش

من الطير و الدوابْ

لو كتْبْ

يْحْرقْ الهشيم

و يفضح المخبِّي في عيون الديب

و مصايد اللي سارقين الغاب

و حْنا في عيشتنا

و كيفاش تكونْ

بين مخطاف و نْياب

بين شوفه حمراَ و لْعاب

علاه الحمام غيرْ جا و طار؟

كيف نديرْ أنا لقلبي

اقتلعو الشوق

و دمّاوه جروح هاذ الذات

راها غابه سارحينها قْمَرْ

إما راك فْ المصيدة

ويْلا عقتي

يحفروا ليك قبَرْ

غادي نْقْلبْ السيرة

ما نبكي على عْمْرْ

ما نبكي على يمّا

أو على اللي مشاو غْدْرْ

نبكي على اجايينْ

و من دابا سجلوهم

بحساب مْقَدَّرْ.