Overblog Suivre ce blog
Editer la page Administration Créer mon blog
Le blog de mondevenir/imami hassanإمامي حسن

محاكمة المهندس

, 00:06am


 



محاكمة المهندس:

ـ انت آسي المهندس،راك قاري وعارف قيمة العمران..

+ سمع آالشريف، انا مهندس وفنان،هاد العمران غادي نعاود احسن منو،عندي الديكور جايبو من العالم كامل..

ـ ما قريتيش ان التراث العمراني يجب الحفاظ عليه؟

+ ايوا هاداك التراث بناوه الناس بالحجر ماشي يالجير.وزيدون راه هادشي رشى عاندكوم بزاف...

-  سبحان الله،ولا السي المهندس تيميز بين العمران والتراث.ديال برا ايه،وديال هنا اللا.هادا زعما غي خوردا...

 ـ اسماع اسي امين... راه الناس تتعيش بهوية وذاكرة،وتاريخ وتراث،وعمران وبيئة مصوبة وكادة..يلا ما كانش هادشي،يمشي الانسان يعيش فالبحر ولا فالغابة... وهاد العمران راه كولشي للناس Kيلا مشى قتلتي القلوب والرغبة فالحياة...احكمتي على الناس بالموت الجماعي..

+ انا اعباد الله غير مهندس،تانفذ الاوامر.. راه عندي مشاريع وعندي كريديات،وانا تانساليهم كريديات بزاف.. يلا مادرتش هاد الخدما مشاو فلوسي ومشاريعي ونلقاش باش نخلص الكريديات لي عليا ونغراق بالحباسات...

ـ عنداك غير تكون داير شي خواض وحاصل معاهم... دابا بان انك مورط امسكين...بالسيف عليك...

ـ ماحشمش من العلم لي قرا ه يحشم منا احنا لي غبرنا في النسيان..

ـ اعقلتوا على باكوس؟داك التمثال اللي بات ماصباح...الناس كلات العصا عليه.دوار كامل كلا الهرماكا قالوا ليه سرقتي باكوس حتى الكياد ديال النصارى والخداما..

ـ هاداك مسكين لي كان تيكل العصا باش يقر بشي حاجة،مني تايعيا من العصا تيبغي يرتاح تيقول ليهم :راني دفنتو فالبلاصا الفلانيا..تيمشيوا تيحفروا ماتايلقاو والو،تايوليو ليلو،الهرماكا من جديد... وهادي مهزلة هادي...

ـ عاود ثاني تيقول بلاصا اخرى ،ونفس الشيء يراح من العصا ويولي ياكلها...

ـ مسكين، هادا شهيد الراحة من الهرماكا...

ـ لي شاف الشراب محرم،لي شاف لعصا على الاله ديالو.انا راني مافاهم والو؟

ـ احسن ليك، لي فهم تيغرق فالهم...

ـ عرفتي كون كعات عليهم اليونسكو و لا الطاليان،راه روينة وصافي.ـ ويلا مايكون شي طالياني طار بيه،يكون جدو،راهم ماساخيط

ـ وابات ماصباح آصاحبي...

ـ ايوا التمثال جاتهم الغيرا عليه،وبلاد كاملا غادي يريبوها بلاثار ديالها؟والو لا رحمة لا شفقة.. سكان وليلي ميتيتن،اما سكان مولاي ادريس زرهون راهم حيين وعايشين وغادي يبقاوا عايشين لحم وعظم وقلب وعقل واحاسيس... غادي يبقاوا عايشين.. يحكيوا ما طرا لهاذ لمدينة... ما تنساو ماجرا باش مايوليوش يديروا دمار آخر....

ـ ات آسي المهندسبالعلم ديالك،كنت تقول ليهم : اللا. راك مسؤول حتى انت على الهدم...

+ راه العلم مايساوي والو قدام اصحاب الحال..اما و اما.. ويلا كنتوا شجعان حاكموا كولشي... ماشي غي الحويط القصيور اللي هو المهندس...

ـ هاد قوة الهدرا ديالك.. ما شي حنا لي غادي نحاكموك.. نشوفوا هاد الحضور آش يقول فهاد القضية؟

** تعطى الكلمة للجمهور..

** تفاعل في تناول قضية الهدم..

** ترقب حوارات متولدة جديدة ...

ـ